“Real Madrid”in baş məşqçisi Joze Mourinyo Türkiyə futbolunun gənc ulduzu Arda Güler haqqında diqqətçəkən fikirlər səsləndirib.
Portuqaliyalı mütəxəssis Arda Gülerə xüsusi rəğbət bəslədiyini bildirib və onun gələcək karyerası ilə bağlı maraqlı proqnoz verib.
“Onu çox sevirəm. Məncə, Modriç və ya Bernardo Silva ilə baş verənlərə bənzər bir şey onun da başına gələcək. Bir mövqedə başlayıb, başqa mövqedə karyeranızı başa vurursunuz”, – deyə Mourinyo bildirib.
Baş məşqçinin sözlərinə görə, futbolçular karyeralarının gedişində mövqelərini dəyişə bilərlər:
“10 nömrə kimi başlayıb, 8 və ya 6 nömrə kimi karyeranızı başa vura bilərsiniz”.
Mourinyonun Arda Güler barədə fikirləri futbol ictimaiyyətində maraq doğurub. Xüsusilə gənc futbolçunun gələcəkdə meydanda hansı mövqedə daha effektiv çıxış edəcəyi ilə bağlı müzakirələr yaranıb.
//milli.az