Mingəçevirdə iri palıd ağacı aşaraq üçmərtəbəli binanın üzərinə düşüb. Hadisə Aydın Məmmədov küçəsində baş verib.
Ağacın düşməsi nəticəsində binanın şüşələri qırılıb, eyvan isə istifadəyə yararsız vəziyyətə gəlib. Eyni zamanda, palıdın iri budaqları yaxınlıqdakı aptekə və park edilmiş avtomobilə də zərər vurub.
Sakinlərin sözlərinə görə, ağacın aşmasının səbəbi torpağın yumşalması olub. Onlardan biri bildirib ki, su torpağı yumşaldıb və nəticədə ağac kökündən aşaraq binaya və ətrafdakı obyektlərə ziyan vurub, lakin xoşbəxtlikdən heç kim xəsarət almayıb. Başqa bir sakin isə əlavə edib ki, əgər həmin vaxt insanlar olsaydı, faciə qaçılmaz olardı və hədəf alınan obyektlərə dəyən zərərin kim tərəfindən qarşılanacağı sual altındadır.
Hadisədən sonra aidiyyəti qurumlar ağacı kəsərək parçalayıb və ərazidən çıxarıblar.
//milli.az