Bakı şəhərinin Azfar Arenasında keçirilən üç günlük kvalifikasiya mərhələsi yüksək rəqabət səviyyəsi ilə yadda qaldı.
Hər gün meydanda yalnız oyun deyil, məqsəd, əzm və qələbə uğrunda ciddi mübarizə nümayiş olundu.
Kvalifikasiya yekunlarına görə Bakıdan 12, Gəncədən 2, Lənkərandan 2 komanda olmaqla ümumilikdə 16 komanda milli finala vəsiqə qazandı.
Komandalar yalnız ölkə çempionluğu uğrunda deyil, eyni zamanda 29 avqust tarixində Torontoda keçiriləcək Red Bull Four 2 Score finala yollanmaq uğrunda mübarizə aparacaqlar.
Artıq hər şey böyük finala yönəlib. Komandaların səviyyəsi aydın göstərir ki, qarşıda sərt, sürətli və güzəştsiz oyunlar bizləri gözləyir.
9 MAY – MİLLİ FİNAL GÜNÜ
Milli final 9 may tarixində saat 15:00-da Avropa Oyunları Parkında keçiriləcək. Həmin gün meydanda yüksək temp və güclü rəqabət hökm sürəcək.
Final günü azarkeşlər üçün xüsusi fan zonası təşkil olunacaq. Ziyarətçiləri stolüstü futbol meydançaları, interaktiv oyun aparatları, aktiv zonalar və rahat istirahət məkanları gözləyəcək. Bu məkan futbol atmosferini birbaşa hiss etmək istəyənlər üçün nəzərdə tutulmuşdur və buraya gələn hər kəs oyunun bir parçasına çevriləcək.
Geriyə isə yalnız bir sual qalır: bu dəfə zirvəyə kim yüksələcək?
Red Bull Four 2 Score ilə bağlı bütün yenilikləri izləmək üçün rəsmi səhifəyə keçid et: http://redbull.az/four2score