İNGİLİS DİLİ KURSU-TÜRKİYƏDƏ TƏHSİL-UKRAYNADA TƏHSİL
TELEFON:+99470-511-22-88
“Qanazlığı yaddaş və diqqət problemlərinə səbəb ola bilər”.
Bunu Səhiyyə Nazirliyinin mütəxəssis-eksperti, terapevt Nahid Məhərrəmov deyib.
Onun sözlərinə görə qanazlığı zamanı qanda hemoqlobinin azalması toxumalara daşınan oksigenin miqdarını azaldır:
“Beyin oksigen çatışmazlığına xüsusilə həssas orqandır. Bu səbəbdən xəstələrdə diqqət dağınıqlığı, unutqanlıq hissi müşahidə oluna bilər. Zehni yorğunluğun daha tez baş vermə ehtimalı var. Nəticədə iş qabiliyyəti və konsentrasiya zəifləyir”.
Nəzərə çatdırıb ki, B12 vitamini çatışmazlığı olan anemiyada yaddaş problemləri daha qabarıq özünü büruzə bilər. Həmçinin vurğulayıb ki, Fol turşusu çatışmazlığı da sinir sistemi funksiyalarına təsir edir:
“Bununla yanaşı, hər yaddaş problemini yalnız qanazlığı ilə əlaqələndirmək düzgün deyil. Stress və psixoloji gərginlik də oxşar əlamətlər yarada bilər”.
N.Məhərrəmov bildirib ki, yuxu pozğunluqları yaddaş zəifləməsinə səbəb ola bilər:
“Qalxanabənzər vəzin xəstəlikləri də nəzərə alınmalıdır. Ona görə də yaddaş problemi olan xəstələrdə qan analizi və əlavə müayinələr vacibdir”.
//milli.az