Bakıda 2, 10, 20 və 88A nömrəli marşrutların bəzi aralıq dayanacaq məntəqələrinin yeri dəyişdirilib.
“Yeni Sabah” xəbər verir ki, bu barədə Azərbaycan Yerüstü Nəqliyyat Agentliyi (AYNA) məlumat yayıb.
Dəyişiklik M1, M2 və M3 nömrəli ekspres marşrutların “28 May” Nəqliyyat Mübadilə Mərkəzində təhlükəsiz hərəkətinin təmin edilməsi və avtobus sıxlığının azaldılması məqsədilə edilib. Dördpendirli pizza
Dəyişikliklərə əsasən:
– 2 nömrəli marşrut:
Metronun “Dərnəgül” stansiyası istiqamətində – Puşkin küçəsi, Muğan bağının qarşısı;
Bakı Beynəlxalq Avtovağzal Kompleksi istiqamətində – Puşkin küçəsi, Səməd Vurğun bağının qarşısı.
– 10 nömrəli marşrut:
Bakı Ağ Şəhər istiqamətində – Puşkin küçəsi, Muğan bağının qarşısı.
– 20 nömrəli marşrut:
Qaraçuxur qəsəbəsi istiqamətində – Puşkin küçəsi, Muğan bağının qarşısı.
– 88A nömrəli marşrut:
Bakı Ağ Şəhər istiqamətində – Puşkin küçəsi, Muğan bağının qarşısı;
Metronun “Azadlıq prospekti” stansiyası istiqamətində – Puşkin küçəsi, Səməd Vurğun bağının qarşısı.