Bu gün futbol üzrə Azərbaycan Premyer Liqasında VIII tura start verilib. PFL bu günə iki qarşılaşma təyin edib.
Günün və turun açılış oyununda “Şamaxı” “Şamaxı şəhər stadionu”da “Şəfa”nı qəbul edib. “Şirlər”lə Bakı təmsilçisinin görüşünü Rəvan Həmzəzadə idarə edib. Matçda geri dönüş edən “Şamaxı” matçdan 3:2 qalib ayrılıb.
“Şamaxı”-“Şəfa”-3:2
Qollar: 65. Jota Oliveyra(1:2), 81. Həbib İsmayılov(2:2), 90+5. Rikardo Apolinario(3:2) // 5. Elnur Cəfərov(0:1), (p) 56. Rauf Hüseyinli(0:2)
Qırmızı vərəqələr: //
Bu gün daha bir qarşılaşma baş tutacaq.
Günün ikinci qarşılaşmasında gənclik şəhər təmsilçisi “Sumqayıt” “SOCAR Polymer Arena”da “Araz-Naxçıvan”ı qəbul edəcək. “Kimyaçılar”la Muxtar Respublika təmsilçisinin görüşünü Vüqar Həsənli idarə edəcək.
Turun digər oyunları Oktyabrın 17-si və 18-i baş tutacaq. Oktyabrın 17-si iki qarşılaşma baş tutacaq.
Günün ilk oyununda “Qəbələ” “Qəbələ şəhər stadionu”nda “Sabah”ı qəbul edəcək. “Qırmızı-qaralar”la “bayquşlar”ın oyununu Əliyar Ağayev idarə edəcək.
Günün ikinci qarşılaşmasında “Qarabağ” “Tofiq Bəhramov adına Respublika stadionu”nda “Neftçi”ni qəbul edəcək. “Köhlən atlar”la “ağ-qaralar”ın görüşünü Kamal Umudlu idarə edəcək.
Turun digər görüşləri Oktyabrın 18-də baş tutacaq. 18 Oktyabrda iki qarşılaşma baş tutacaq.
Günün ilk oyununda “İmişli” “Yevlax şəhər stadionu”nda “Turan Tovuz”u qəbul edəcək. “Pələnglər”lə “boz qurd”un oyununu Nicat İsmayıllı idarə edəcək.
Günün və turun sonuncu qarşılaşmasında isə qədim Gəncə təmsilçisi “Kəpəz” “Gəncə şəhər stadionu”da “Zirə”ni qəbul edəcək. “Sarı-göylər”lə “mavi qartallar”ın görüşünü Emin Əliyev idarə edəcək.