Suriya İsraillə gərginlik istəmir. Nəzər.Media Türkiyənin “Hürriyət” qəzetinə istinadən xəbər verir ki, Şara diplomatiyaya üstünlük verib.
Suriya Prezidenti Əhməd Şara İsraillə mümkün hərbi qarşıdurmanın ölkəsinə heç bir fayda gətirməyəcəyini bildirib. O deyib ki, Şam bir sıra ölkələrin iştirakı ilə təhlükəsizlik razılaşması üzərində işləyir. Şaranın sözlərinə görə, bu proses Colan təpələri üzərində Suriyanın hüquqlarından imtina etmədən sülhə yol aça bilər. O, həmçinin Suriyanın Livana hərbi müdaxilə etmək niyyətinin olmadığını vurğulayıb. Şara əlavə edib ki, Livanda baş verəcək hər hansı gərginlik Suriyaya da birbaşa təsir göstərəcək.
//Nəzər.Media