Milli Hidrometeorologiya Xidməti iyunun 20-si gündüz saatlarından başlayaraq 22-dək davam edəcək küləkli hava şəraiti ilə əlaqədar sarı və narıncı xəbərdarlıq yayıb.
Məlumata görə, Naxçıvan Muxtar Respublikası ilə yanaşı, ölkənin bir sıra rayonlarında sarı xəbərdarlığa uyğun olaraq şərq küləyi müşahidə olunacaq. Bu ərazilərdə küləyin sürətinin 13,9-20,7 metr/saniyə arasında dəyişəcəyi proqnozlaşdırılır.
Bakıda və Abşeron yarımadasında, həmçinin Mingəçevir, Gəncə, Naftalan, Goranboy və Daşkəsən şəhər və rayonlarında isə narıncı xəbərdarlıq elan edilib. Bu ərazilərdə şimal-qərb küləyinin sürətinin 20,8-28,4 metr/saniyəyədək güclənəcəyi gözlənilir.
Sinoptiklər əhaliyə güclü küləkli hava şəraiti ilə əlaqədar ehtiyatlı olmağı tövsiyə edirlər.
//milli.az