Əməkdar artist Dilarə Əliyeva qayınatası, Xalq artisti Vidadi Əliyevlə bağlı paylaşım edib.
Aktrisa aktyorun ad günü olduğunu yazıb. D.Əliyeva Vidadi Əliyevi 81 yaşının tamam olması münasibəti ilə təbrik edib:
“Sizə uzun ömür arzulayıram! Çox, lap çox yaşayın! Yaşayın ki, Oqtayın ruhu şad olsun! Çünki, əlimizdən yalnız bu gəlir!”.
Xalq artistinin oğlu, aparıcı Elçin Əlibəyli də atası ilə bağlı arzularını paylaşıb. O, paylaşımına “Bu gün 81 yaşın tamam oldu! Mənim üçün ən böyük adamsan! Sənə sağlıq diləyirəm!” deyə yazıb.
Qeyd edək ki, D.Əliyeva V.Əliyevin oğlu Oqtay Əliyevlə ailəli olub. O. Əliyev 2023-cü il martın 22-də avtomobil qəzasında dünyasını dəyişib.
//Axsam.az