Xəbər verdiyimiz kimi, Goranboyda baş verən ağır yol-nəqliyyat hadisəsində həyatını itirən gənclərlə bağlı yeni görüntü yayılıb.
Rayonda “Mercedes”, VAZ-2107 və “Prado” markalı avtomobillərin toqquşması nəticəsində iki nəfər vəfat edib.
Qəza zamanı dünyasını dəyişən şəxslərin 2003-cü il təvəllüdlü Xəyyam Ələkbərov və 2004-cü il təvəllüdlü Aqşin İbrahimov olduğu bildirilib.
Məlumata görə, gənclər hadisədən əvvəl toy mərasimində iştirak edib və mərasimdən çıxdıqdan sonra qəzaya düşüblər.
Sosial şəbəkələrdə Xəyyam Ələkbərov və Aqşin İbrahimovun hadisədən əvvəl çəkdirdikləri son fotosu da yayılıb. Görüntü onların yaxınları və tanışları tərəfindən kədərlə qarşılanıb.
Hadisə ilə bağlı araşdırma davam edir.
//milli.az