Oğlanlardan ibarət U-20 millimiz Slovakiyanın paytaxtı Bratislava şəhərində keçirilən Avropa çempionatı B divizionunda ikinci qrup oyununu keçirib. Basketbolçularımız ev sahibi Slovakiya seçməsi ilə gərgin oyunun yekununda 72:66 hesablı qələbə qazanıb. Görüşün ən məhsuldar oyunçusu 26 xal, 16 ribaundla millimizin üzvü Emanuel Aqbason seçilib. Qeyd edək ki, yığmamız qrupda növbəti oyununu 14 iyul Bakı vaxtı ilə saat 22:30-da İrlandiyaya qarşı keçirəcək.
U-20 millimizin baş məşqçisi Anar Sarıyev ev sahibi Slovakiya üzərində qələbəni dəyərləndirib.
“İlk oyundan sonra rəqibi tam təhlil edə bilmədiyimiz üçün müəyyən çətinliklərlə qarşılaşdıq. İsveç qrupda 3-də 3 etməklə nə qədər güclü kollektiv olduğunu göstərdi. Lakin uşaqlar Slovakiya ilə qarşılaşmada əsl əzmkarlıq, gözəl basketbol və vətən sevgisi nümayiş etdirərək layiqli bir qələbə qazandılar. Millimizin bütün üzvlərini təbrik edirəm. Bu, komandamız üçün çox böyük və tarixi bir qələbədir. İnşallah, növbəti oyunlarda da azarkeşlərimizi yaxşı nəticələrlə sevindirməyə çalışacağıq.”-deyə Anar Sarıyev bildirib.