“Üç real qol imkanımız oldu. Amma ola bilsin ki, uğursuzluq oldu deyə, fürsətlərdən yararlana bilmədik”.
QOL.az xəbər verir ki, bu sözləri UEFA Konfrans Liqasının 3-cü təsnifat mərhələsinin cavab oyunları çərçivəsində “Qarabağ”a 0:2 hesabı ilə məğlub olan Ukraynanın “Dinamo” klubunun baş məşqçisi İqor Kostyuk deyib. O, matçdan sonra keçirilən mətbuat konfransında jurnalistlərin suallarını cavablayıb.
– “Qarabağ” nəyi dəyişdi ki, nəticə fəqli oldu?
– “Qarabağ” bütün imkanlardan maksimum yararlandı.
– Marko Yankoviçin səhvindən sonra komandanızın futbolçusu əla epizoddan istifadə edə bilmədi. Buna sərt reaksiya verdiniz…
– İkinci hissə təşəbbüs bizdə idi. Üç real qol imkanımız oldu. Amma ola bilsin ki, uğursuzluq oldu deyə, fürsətlərdən yararlana bilmədik.
– “Qarabağ”a qarşı hava toplarından daha çox istifadə edirdiniz. Bu, “Qarabağ”ın hava toplarında zəif olması ilə əlaqədar idi, yoxsa başqa variantınız yox idi?
– Komanda ilk dəqiqələrdə daha çox aqressiv oynayırdı. Topu nəzarətdə saxlamağa çalışırdıq. Daha çox Ponomarenkaya güvənirdik. Əlimizdən gələni edirdik ki, topa nəzarət bizdə olsun.