“The Wall Street Journal” qəzeti diqqətçəkən iddia yayıb. Nəzər.Media Türkiyənin “Hürriyət” qəzetinə istinadən xəbər verir ki, İsrail ABŞ ilə yeni kəşfiyyat məlumatı paylaşıb.
İddiaya görə, İran Donald Trampa qarşı yeni sui-qəsd planı hazırlayıb. Məlumatın Vaşinqtona İsrail tərəfindən çatdırıldığı bildirilir.
Xəbərdə planın detalları açıqlanmır. İranın Trampı 2020-ci ildə Qasım Süleymaninin öldürülməsindən sonra hədəf kimi gördüyü də vurğulanır.
Donald Tramp son illərdə bir neçə sui-qəsd cəhdinin hədəfi olub. İran isə bu iddialarla bağlı rəsmi mövqe açıqlamayıb.
//Nəzər.Media