Böyük Britaniyada xərcəng xəstəliyinin müalicəsi ilə bağlı yeniliyə imza atılıb. Nəzər.Media Türkiyənin “Hürriyət” qəzetinə istinadən xəbər verir ki, Xərçəng müalicəsində istifadə olunan “pembrolizumab” adlı immunoterapiya preparatı yeni inyeksiya forması ilə tətbiq edilməyə başlanılıb.
Əvvəllər damardaxili şəkildə təxminən iki saat davam edən müalicə artıq 1–2 dəqiqəlik iynə ilə həyata keçirilir. Bu yenilik xəstələrin xəstəxanada qalma müddətini əhəmiyyətli dərəcədə azaldır və müalicə prosesini asanlaşdırır. Yeni üsulun təxminən 14 müxtəlif xərçəng növündə tətbiqi nəzərdə tutulur. Rəsmilərin bildirdiyinə görə, bu dəyişiklik həm xəstələr, həm də səhiyyə sistemi üçün böyük vaxt qənaəti yaradacaq.
//Nəzər.Media