Səudiyyə Ərəbistanının paytaxtı Ər-Riyadda ardıcıl partlayış səsləri eşidilib. Nəzər.Media Türkiyənin “Hürriyyət” qəzetinə istinadən verir ki, Yəməndəki husilər şəhərdəki Kral Xalid Beynəlxalq Hava Limanını ballistik raketlə hədəf aldıqlarını bildiriblər.
Hadisədən sonra şəhərin müxtəlif yerlərindən partlayış səsləri gəlib. Hücum nəticəsində dağıntı və ya tələfat olub-olmadığı barədə dəqiq məlumat verilməyib. Səudiyyə Ərəbistanı rəsmilərinin açıqlaması gözlənilir.
//Nəzər.Media