Yaponiyada yeni zəlzələ xəbərdarlığı edilib. Nəzər.Media Türkiyənin “Hürriyət” qəzetinə istinadən xəbər verir ki, mütəxəssislər qoşa zəlzələ riskinin artdığını bildiriblər.
Bildirilir ki, Kumamoto bölgəsində baş verən 7,1 bal gücündə zəlzələ Futaqava-Hinaqu fay xəttində gərginliyi artırıb. Alimlərin fikrincə, həmin fay xəttində qısa müddətdə daha bir güclü zəlzələ baş verə bilər. Onlar 2016-cı ildə eyni ərazidə 28 saat fərqlə baş verən iki güclü zəlzələni xatırladıblar. Mütəxəssislər güclü afterşoklar, torpaq sürüşməsi və yanğın təhlükəsinin də davam etdiyini vurğulayıblar. Hazırda alimlər fay xəttindəki seysmik fəallığı yaxından izləyirlər. Əhaliyə ehtiyatlı olmaq və rəsmi xəbərdarlıqlara əməl etmək tövsiyə olunub.
//Nəzər.Media