Yunanıstan “F-35” məsələsində yeni addım atıb. Nəzər.Media Türkiyənin “Hürriyət” qəzetinə istinadən xəbər verir ki, Afina ABŞ-dan siyasi təminat almağa çalışır.
Bildirilir ki, Yunanıstan Türkiyənin “F-35” proqramına qayıdışını dayandıra bilməyəcəyini düşünür. Buna görə də təyyarələrin Yunanıstana qarşı istifadə olunmayacağına dair təminat istəyir. ABŞ-ın NATO-dakı daimi nümayəndəsi Mett Uitaker isə Türkiyəyə “F-35” satışının mümkün olduğunu bildirib. O, Türkiyəni NATO-nun güclü və etibarlı müttəfiqi adlandırıb. Uitaker qeyd edib ki, satış baş tutsa belə, təyyarələrin təhvil verilməsi mərhələli şəkildə həyata keçiriləcək.
//Nəzər.Media