“Meta” şirkətinin rəhbəri Mark Zukerberq həyat yoldaşı Priskilla Çanla birlikdə İrlandiyada tarixi qəsr satın alıb.
Uoterford qraflığında yerləşən “Strancally” qəsrinin satış qiyməti açıqlanmasa da, mülkün dəyərinin 20-30 milyon avro olduğu bildirilir.
XIX əsrin birinci yarısında inşa edilən qəsr Blekuter çayının sahilində yerləşir və 178 hektarlıq ərazi ilə əhatə olunub. Mülk son 20 il ərzində geniş şəkildə bərpa edilib.
Bildirilir ki, Zukerberq qəsrdən əsasən İrlandiyaya səfərləri zamanı istifadə edəcək. Milyarderin ABŞ-dən köçmək planı yoxdur.
//milli.az