Aktrisa Zülfiyyə Qurbanova ekran əsərlərində canlandırdığı açıq-saçıq obrazlarla bağlı ona ünvanlanan suallara münasibət bildirib.
Aktrisa bu mövzuda verilən suallardan narahat olduğunu və artıq müsahibələr zamanı belə sualları cavablandırmaq istəmədiyini deyib.
Z.Qurbanova sosial media hesabında paylaşım edərək bu cür yanaşmanı tənqid edib:
“Artıq paylaşacağam, bəlkə savadsız suallardan canımız qurtara. Bundan sonra ərinməyəcəyəm, serial və filmlərdə olan öpüşmə, zorlama və sairə kimi səhnələri paylaşacağam. Hünərləri çatmır belələrinə sual verməyə. Zülfiyyə Qurbanova gəldi, bir əxlaqsız qadın obrazı oynadı. Hələ tamaşaçılar… Mənim oynadığım roldan danışmaqdansa, gedin onlardan, həmin səhnələrə çəkilənlərdən danışın. And içmişəm, belə sual verən kimi səhnələrin adını bir-bir açıqlayacağam. Adamı iyrəndirmisiniz”.
//milli.az