Türkiyə üçün yeni qərar qəbul edilib. Nəzər.Media Türkiyənin “Hürriyət” qəzetinə istinadən xəbər verir ki, ASEAN ölkəyə Dialoq Tərəfdaşı statusu verib.
Bu barədə Türkiyənin xarici işlər naziri Hakan Fidan məlumat verib. Qərar ASEAN xarici işlər nazirlərinin Manilada keçirilən toplantısında qəbul olunub. Bununla Türkiyə təşkilatda mühüm əməkdaşlıq statusu əldə edib. Hakan Fidan bildirib ki, bu addım Asiya-Sakit okean bölgəsində əlaqələri daha da gücləndirəcək. Onun sözlərinə görə, qərar siyasi və iqtisadi əməkdaşlığa yeni imkanlar açacaq. Fidan qeyd edib ki, 2024-cü ildən Türkiyə ilə ASEAN arasında ticarət dövriyyəsi 6,5 milyard dollardan 16 milyard dollara yüksəlib. ASEAN regionunda təxminən 700 milyon əhali yaşayır və iqtisadiyyatının həcmi 4 trilyon dolları ötür. Türkiyə tərəfi yeni mərhələnin hər iki tərəf üçün faydalı olacağına ümid etdiyini bildirib.
//Nəzər.Media