Yaponiyada zəlzələnin qurbanlarının sayı artıb. Nəzər.Media Türkiyənin “Hürriyət” qəzetinə istinadən xəbər verir ki, ölənlərin sayı 34-ə çatıb.
Məlumata görə, ən çox itki Kumamoto bölgəsində qeydə alınıb. Hazırda 10 mindən çox insan təxliyə mərkəzlərində yerləşdirilib. Minlərlə evdə elektrik və su təchizatı hələ də bərpa olunmayıb. Rəsmilər bölgədə son günlər 259 yeraltı təkanın qeydə alındığını bildiriblər. Mütəxəssislər yaxın günlərdə güclü təkrar zəlzələlərin baş verə biləcəyi barədə xəbərdarlıq ediblər.
//Nəzər.Media