İran rəsmi olaraq Məkkə razılaşmasına münasibət bildirib. Nəzər.Media Türkiyənin “Hürriyət” qəzetinə istinadən xəbər verir ki, İran rəsmisi İsmayıl Bəqayi İran razılaşmadan narahat olmadığını deyib.
O, Türkiyə, Səudiyyə Ərəbistanı və Pakistan arasındakı razılaşmanı şərh edib. Bəqayinin sözlərinə görə, sənədün İrana qarşı yönəlməsinə dair narahatlıq üçün əsas yoxdur. O, üç ölkə arasında dərin dini, tarixi və mədəni bağların olduğunu bildirib. Bəqayi razılaşmanı ABŞ-ın bölgədə təhlükəsizlik yaratmaq imkanlarına etimadın azalmasının göstəricisi kimi qiymətləndirib.
Qeyd edək ki, Türkiyə, Səudiyyə Ərəbistanı və Pakistan razılaşmanı avqustun 7-də Məkkədə imzalayıb. Sənədə əsasən, üç ölkədən birinə silahlı hücum digər ölkələrə də hücum kimi qəbul ediləcək.
//Nəzər.Media