ABŞ-də yeni uçuş məhdudiyyəti hazırlanır. Nəzər.Media Türkiyənin “Hürriyət” qəzetinə istinadən xəbər verir ki, bəzi robotların təyyarəyə buraxılması qadağan edilə bilər.
Məlumata görə, Delta və United Airlines bununla bağlı qaydalara dəyişiklik etməyi planlaşdırır. Qərar insana və ev heyvanına bənzəyən robotları əhatə edəcək. Buna səbəb həmin robotlarda istifadə olunan litium-ion batareyalarının yanğın riski yaratmasıdır. Daha əvvəl Southwest Airlines da oxşar təhlükəsizlik qərarı qəbul etmişdi. Yeni qaydaların uçuş təhlükəsizliyini artırmaq məqsədi daşıdığı bildirilir.
//Nəzər.Media