Amerikalı həkim eşitmə sağlamlığı ilə bağlı paylaşdığı video müraciətlə sosial şəbəkələrdə maraq doğurub.
Mütəxəssis qulağa hidrogen peroksid damızdırılmasının bəzi hallarda faydalı ola biləcəyini bildirərək bu üsulun hansı məqsədlə tətbiq edildiyini ətraflı izah edib. O, videoda bu prosedurun qulaq kanalında toplanan qulaq kirinin yumşaldılmasına və təmizlənməsinə kömək edə biləcəyini qeyd edib.
Həkim həmçinin bu üsulun düzgün tətbiq edildiyi hallarda qulaq kanalının təmizlənməsini asanlaşdıra, bunun nəticəsində isə eşitmədə yaranan bəzi müvəqqəti problemlərin aradan qalxmasına dəstək ola biləcəyini vurğulayıb. O, videoda prosesin necə aparılmasını və diqqət edilməli məqamları da bir-bir sadalayıb.
Bununla yanaşı, mütəxəssis xəbərdarlıq edib ki, qulaq pərdəsində zədə, infeksiya, ağrı və ya digər qulaq problemləri olan şəxslər bu üsulu həkim məsləhəti olmadan tətbiq etməməlidirlər.
Həkimin paylaşdığı video qısa müddətdə geniş maraq doğurub və sosial şəbəkə istifadəçiləri arasında müzakirələrə səbəb olub.
//milli.az