Avropanın ən güclü hava qüvvələrinin siyahısı dərc olunub. Nəzər.Media Türkiyənin “Hürriyət” qəzetinə istinadən xəbər verir ki, Türkiyə reytinqdə ikinci yeri tutub.
Məlumata görə, siyahıya Rusiya başçılıq edir. Türkiyənin yüksək mövqeyi döyüş təyyarələri, pilotsuz uçuş aparatları və yerli müdafiə sənayesindəki inkişafla əlaqələndirilib. Hesabatda xüsusilə “KAAN” döyüş təyyarəsi layihəsi və “Bayraktar TB2” pilotsuz aparatları vurğulanıb. Böyük Britaniya üçüncü, Fransa isə dördüncü sırada qərarlaşıb. İlk beşliyi İtaliya tamamlayıb. Qiymətləndirmə aparılarkən yalnız təyyarələrin sayı deyil, hazırlıq səviyyəsi, texnoloji imkanlar və müdafiə sənayesinin gücü də nəzərə alınıb.
//Nəzər.Media