Fransada iyul ayı rekord isti keçib. Nəzər.Media Türkiyənin “Hürriyət” qəzetinə istinadən xəbər verir ki, bu barədə rəsmi məlumat yayılıb.
Meteorologiya xidməti 2026-cı ilin iyulunu 1900-cü ildən bəri ən isti ay elan edib. Ölkədə yağıntı da kəskin azalıb və güclü quraqlıq yaranıb. İyulun əvvəlində 16 gün davam edən isti hava dalğası müşahidə olunub. Havanın həddindən artıq isti və quraq keçməsi meşə yanğınlarının riskini artırıb. Bordo yaxınlığında baş verən böyük yanğın 42 min hektar ərazini külə çevirib. Yanğın nəzarət altına alınsa da, onun tam söndürülməsi hələ başa çatmayıb.
//Nəzər.Media