Hakan Fidan Ukraynanın dövlət mükafatına layiq görülüb. Nəzər.Media Türkiyənin “Hürriyət” qəzetinə istinadən xəbər verir ki, mükafatı Prezident Volodimir Zelenski təqdim edib.
Türkiyənin xarici işlər naziri “İkinci dərəcəli Xidmət” ordeni ilə təltif edilib. Qərarın dövlətlərarası əməkdaşlığa verdiyi töhfəyə görə qəbul edildiyi bildirilib. Bu orden Ukraynaya mühüm xidmət göstərən yerli və xarici şəxslərə təqdim olunur. Mükafat diplomatiya, dövlət idarəçiliyi və digər sahələrdə xüsusi xidmətlərə görə verilir. Ukrayna tərəfi Hakan Fidanın ikitərəfli münasibətlərin inkişafına mühüm töhfə verdiyini vurğulayıb.
//Nəzər.Media