İspaniyada meşə yanğınları geniş əraziyə yayılıb. Nəzər.Media Türkiyənin “Hürriyət” qəzetinə istinadən xəbər verir ki, yanğın nəticəsində 30 min hektardan çox sahə külə dönüb.
Kastiliya-La Mança bölgəsində 1200 nəfər evini tərk etmək məcburiyyətində qalıb. Alovun söndürülməsinə 600-dən çox yanğınsöndürən cəlb olunub. Əməliyyatlarda 50-yə yaxın təyyarə və helikopter iştirak edir. Sinoptiklər yaxın günlərdə havanın temperaturunun 40 dərəcəni keçəcəyini bildirirlər. Mütəxəssislər isti havanın yanğınla mübarizəni daha da çətinləşdirəcəyini qeyd edirlər.
//Nəzər.Media