İtaliyada güclü istilər davam edir. Nəzər.Media Türkiyənin “Hürriyət” qəzetinə istiandən xəbər verir ki, bir çox şəhərdə qırmızı xəbərdarlıq elan olunub.
Səhiyyə Nazirliyinin məlumatına görə, qırmızı xəbərdarlıq tətbiq edilən şəhərlərin sayı 27-yə çatıb. Bəzi bölgələrdə havanın temperaturunun 40 dərəcəyədək yüksələcəyi gözlənilir. İsti hava dalğasının azı bir həftə də davam edəcəyi bildirilir. Rəsmilər bütün vətəndaşları ehtiyatlı olmağa çağırıblar. Bildirilib ki, güclü istilər yalnız risk qrupları üçün deyil, sağlam insanlar üçün də təhlükə yaradır.
//Nəzər.Media