Bakıda keçirilən çimərlik güləşi üzrə Dünya Seriyasının IV mərhələsi başa çatıb. Qadınların mübarizəsində 60 kq çəki dərəcəsində mübarizə aparan Nərgiz Səmədova fəxri kürsünün ikinci pilləsinə qalxıb. Gümüş medala sahib olan xanım güləşçimiz Səmədova öz təəssüratlarını Nəzər.Media saytı ilə bölüşüb.
“Yaxşı təlim-məşq toplantısı keçirmişdik. Qızıl medal qazanmaq istəyirdim. Məşqçim də məndən qızıl medal gözləyirdi, ancaq son saniyədə xal əlimdən getdi. İkinci, üçüncü görüşlərimdə yaxşı güləşdim. Qızıl medal istəsəm də, gümüş medalı qazandım”, – deyə Nərgiz Səmədova bildirib.
//Nəzər.Media