Rusiya Odessa vilayətinə yeni zərbələr endirib. Nəzər.Media Türkiyənin “Hürriyət” qəzetinə istinadən xəbər verir ki, hücum liman infrastrukturlarını hədəf alıb.
Rusiya Müdafiə Nazirliyi əməliyyatda uzaqmənzilli silahlar və pilotsuz uçuş aparatlarından istifadə edildiyini açıqlayıb. Məlumata görə, Odessa və Çornomorsk limanlarına zərbələr endirilib.
Bildirilib ki, həmin limanlar hərbi yüklərin daşınması və yanacağın saxlanılması üçün istifadə olunurdu. Hücum zamanı iki yük gəmisi, bir bərə və bir patrul qayığının da vurulduğu iddia edilib. Rusiya bundan əvvəl də Ukraynanın liman və hərbi obyektlərinə zərbələr endirdiyini açıqlamışdı.
//Nəzər.Media