Suriyanın xarici işlər naziri Əsəd Həsən Şeybani Türkiyəyə səfər edəcək. Nəzər.Media Türkiyənin “Hürriyət” qəzetinə istinadən xəbər verir ki,səfər bu gün baş tutacaq.
Şeybani Ankarada xarici işlər naziri Hakan Fidanla görüşəcək. Tərəflər Suriyada sabitlik və təhlükəsizlik məsələlərini müzakirə edəcəklər. Görüşdə terrorla mübarizə sahəsində əməkdaşlıq da gündəmdə olacaq. İki ölkə arasında siyasi və iqtisadi əlaqələrin inkişafı da nəzərdən keçiriləcək. Tərəflər regional hadisələr və Yaxın Şərqdəki vəziyyət ətrafında fikir mübadiləsi aparacaqlar. Görüşdə İsrailin bölgədəki addımları və Qəzzadakı vəziyyətin də müzakirə ediləcəyi gözlənilir. Həmçinin Suriyada bərpa prosesi və gələcək yüksək səviyyəli səfərlər barədə də danışılacaq.
//Nəzər.Media