ABŞ-nin atəşkəs təşəbbüsü nəticə verməyib. Nəzər.Media Türkiyənin “Hürriyət” qəzetinə istinadən xəbər verir ki, Rusiya geri çəkilməyəcəyini açıqlayıb.
Məlumata görə, Vaşinqtonun mərhələli atəşkəs planı tərəflər arasında razılıq yaratmayıb. Rusiya Prezidenti Vladimir Putin hərbi əməliyyatların məqsədə çatana qədər davam edəcəyini bildirib. Ukrayna Prezidenti Volodimir Zelenski isə ölkəsinə əlavə hava hücumundan müdafiə sistemləri istədiyini deyib. Bu arada ABŞ Senatında Rusiyaya qarşı yeni sanksiyalar paketi müzakirəyə çıxarılıb. Layihədə Rusiya məhsullarına yüksək gömrük rüsumu tətbiqi nəzərdə tutulur. Rusiya tərəfi isə bu addımın ABŞ iqtisadiyyatına da mənfi təsir göstərəcəyini bildirib. Döyüşlər fonunda tərəflər bir-birinə raket və pilotsuz uçuş aparatları ilə zərbələr endirməyə davam edir.
//Nəzər.Media