ABŞ Prezidenti Donald Trampın qolf oyunu yenidən gündəmə gəlib. Nəzər.Media Türkiyənin “Hürriyət” qəzetinə istinadən xəbər verir ki, bu hobbinin dövlət büdcəsinə böyük xərc yaratdığı bildirilir.
Məlumata görə, son 19 ayda qolf səfərlərinə 114,7 milyon dollar xərclənib. Xərclərin əsas hissəsini prezident təyyarəsi və təhlükəsizlik tədbirləri təşkil edib. Hesablamalara görə, bu məbləğ Trampın səlahiyyət müddətinin sonuna qədər 300 milyon dolları keçə bilər. Qeyd olunur ki, Tramp vaxtilə Barak Obamanı qolf oynadığına görə tənqid etmişdi. O, seçki kampaniyası dövründə qolf oynamağa vaxt ayırmayacağını da bildirmişdi.
//Nəzər.Media