ABŞ İranla danışıqları bərpa etmək istəyir. Nəzər.Media Türkiyənin “Hürriyət” qəzetinə istinadən xəbər verir ki, Tehran isə bunu təkzib edir.
Prezident Donald Tramp danışıqların başlanacağını açıqlasa da, İran bunu qəbul etməyib. İran Xarici İşlər Nazirliyi ABŞ ilə heç bir görüşün planlaşdırılmadığını bildirib. Bundan sonra Tramp Tehranı ziddiyyətli mövqe tutmaqda ittiham edib. Ekspertlər Vaşinqtonun İran siyasətində çıxılmaz vəziyyətlə üzləşdiyini deyirlər. Məlumata görə, ABŞ Mərkəzi Komandanlığı vəziyyətdən çıxmaq üçün fərqli variantları nəzərdən keçirir. Bu arada, Trampın İrana planlaşdırılan hücumu dayandırması İsraildə narazılıq yaradıb. ABŞ-da bəzi siyasətçilər isə İranla danışıqların peşəkar diplomatlara həvalə olunmasını təklif edirlər.
//Nəzər.Media