BMT Kipr məsələsi ilə bağlı yeni təşəbbüs irəli sürüb. Nəzər.Media Türkiyənin “Hürriyət” qəzetinə istinadən xəbər verir ki, tərəflərlə danışıqlar sürətləndirilib.
Bildirilir ki, təşkilat strateji razılaşma layihəsi üzərində işləyir. Layihədə səlahiyyətləri geniş olan federasiya modeli nəzərdə tutulur. Həmçinin iki illik keçid dövrü təklif edilir. Təhlükəsizlik sahəsində yeni mexanizmin yaradılması da müzakirə olunur. Türkiyə isə iki dövlətli həll mövqeyini dəyişmədiyini açıqlayıb. Ankara hesab edir ki, Kipr türklərinin suveren hüquqları yalnız bu model ilə təmin oluna bilər. Məlumata görə, BMT yaxın aylarda qeyri-rəsmi Kipr sammiti keçirməyi planlaşdırır. Sammitdə Türkiyə, Yunanıstan və Böyük Britaniyanın da iştirakı gözlənilir. Layihənin ilkin mərhələsində bəzi praktiki addımların atılması təklif olunur. Sonrakı mərhələdə isə yekun razılaşmanın referendumda səsverməyə çıxarılması nəzərdə tutulur. Şimali Kipr Türk Respublikasının rəhbərliyi hələlik yekun planın olmadığını bildirib. Rəsmi Ankara isə razılığı olmadan heç bir təşəbbüsün həyata keçməyəcəyini vurğulayıb.
//Nəzər.Media