Türkiyənin xarici işlər naziri Hakan Fidan Ukraynada səfərdədir. Nəzər.Media Türkiyənin “Hürriyət” qəzetinə istinadən xəbər verir ki, Fidan ukraynalı həmkarı Andriy Sıbiha ilə görüşüb.
Tərəflər daha sonra birgə mətbuat konfransı keçiriblər. Fidan müharibənin dayandırılması yollarının müzakirə edildiyini bildirib. O, son dövrdə hücumların artmasından narahat olduqlarını deyib. Nazir tərəfləri danışıqlar masasına qayıtmağa çağırıb. Fidan Ukraynada insanların əziyyətinin sona çatmasının vacib olduğunu vurğulayıb. O, müharibənin Qara dənizə yayılmasının yolverilməz olduğunu bildirib. Nazirin sözlərinə görə, Qara dənizdə sabitlik və təhlükəsizlik qorunmalıdır. Fidan Türkiyənin hər iki tərəflə təmaslarını davam etdirdiyini qeyd edib. O, gələcəkdə də sülh danışıqlarına ev sahibliyi etməyə hazır olduqlarını söyləyib. Ukraynanın xarici işlər naziri Andriy Sıbiha isə ölkəsinin atəşkəsə hazır olduğunu açıqlayıb. Sıbiha mümkün sülh danışıqlarının Türkiyədə keçirilə biləcəyini bildirib.
//Nəzər.Media