Avstraliyada sahildə tapılan metal kürələrin mənşəyi müəyyənləşib. Nəzər.Media Türkiyənin “Hürriyət” qəzetinə istinadən xəbər verir ki, onların raket qalıqları olduğu bildirilib.
Avstraliya Kosmik Agentliyi bu cisimlərin atmosferə daxil olan raketin hissələri olduğunu açıqlayıb. Mütəxəssislərin sözlərinə görə, bunlar raketlərdə yanacaq və ya qaz saxlamaq üçün istifadə olunan təzyiqli çənlərdir. Bu hissələr möhkəm quruluşuna görə atmosferdə tam yanmadan Yerə çata bilir. Hadisədən sonra ərazi nəzarətə götürülüb və sakinlərə metal cisimlərə yaxınlaşmamaq tövsiyə olunub. Hazırda qalıqların hansı ölkəyə məxsus raketdən ayrıldığı araşdırılır. Alimlər belə kosmik qalıqlar aşkar edildikdə dərhal aidiyyəti qurumlara məlumat verilməsini tövsiyə edirlər.
//Nəzər.Media